Monitorimi
Vendosja e rrjetave gjeodezike
Rrjeti gjeodezik është një grup i pikave gjeodezike të ndërlidhura dhe shërben si bazë për kryerjen e matjeve në fushën e gjeodezisë inxhinierike. Rrjetet gjeodezike paraqesin materializimin e sistemit koordinativ dhe mundësojnë që matjet të kryhen me saktësinë e kërkuar në të gjithë zonën e ndërtimit dhe në çdo fazë të ndërtimit të objektit.
Rrjetat gjeodezike duhet të vendosen:
- që matjet gjeodezike gjatë ndërtimit të objekteve të kryhen me saktësinë e përcaktuar në të gjithë zonën e ndërtimit dhe në çdo fazë të ndërtimit
- të përcaktojë me saktësi pozicionin e objekteve në hapësirën 3D
- për hartimin e hartave topografike
- për punë kadastrael, i cili përcakton gjendjen e parcelave dhe ndërtesave
- për matjen e detajuar të terrenit për nevojat e hartimit të një plani gjeodezik
- kur të dhënat për pikat ekzistuese gjeodezike mungojnë ose nuk azhurnohen
- kur saktësia e të dhënave të pikave ekzistuese gjeodezike është joadekuate kur gjeometria e rrjetit ekzistues gjeodezik nuk siguron
- saktësinë e përcaktuar të matjeve
- për kryerjen e matjeve të kontrollit gjatë dhe pas ndërtimit të objektit ose infrastruktura
Të dhënat e matjeve transferohen në softverët për barazim të rrjetave, që përmbajnë informacion mbi llojin e marrësit, metodën e matjes së lartësisë së antenës, llojin e antenës, të dhënat e vëzhgimit, ephemeris satelitore, emrin satelitor dhe numrin e identifikimit.
Këto të dhëna u ngarkohen në programin e përpunimit të matjes GNSS, në softverin LEICA Geo Office (LGO) ose në softverin Trimble Busines Centre, të cilët shërbejn për përpunimin e të dhënave të matjes
Barazimet e rrjetave janë shumë të automatizuara sot për shkak të programeve të sofistikuara në përdorim. LGO dhe TBC gjithashtu mundësojn përpunimin e të dhënave të matjes GNSS të llojeve të ndryshme të marrësve duke përdorur formatin RINEX.
Monitorimi dhe mbikëqyrja e qëndrueshmërisë së objekteve
Ndërtimi i ndërtesave komplekse dhe objekteve të infrastrukturës, është një proces i ndërtimit kompleks dhe i rrezikshëm. Prandaj monitorimi i pozicionit të ndërtesave gjatë ndërtimit ose për objektet të cilët tashmë janë ndërtuar është i nevojshëm, ku identifikohen ndryshimet e mundshme në pozicionin e këtyre objekteve i cili mund të jetë i rrezikshëm sepse mund të shkaktojë dëmtime dhe deformime dhe të ndikojë në sigurinë e jetës dhe shëndetit të njeriut.
Gjeomonitorimi kërkohet për:
- përcaktimin e lëvizjeve dhe zhvendosjen e strukturave të mëdha
- monitorimin e sjelljes së sipërfaqes në minierë nëntokësore ose ndërtimin e një hapësire nëntokësore
- monitorimi i sjelljes së objektit në toka me ngarkesë të dobët
- monitorimin e lëvizjeve të pikave të caktuara në objekte
- vëzhgimi i zvarritjes së masave malore
- vëzhgimi i shpateve rreth gërmimeve të mëdha
Kryerja e analizës së deformimit dhe nxjerrja e konkluzioneve përkatëse
Në varësi të drejtimit të ndryshimit të pozicionit, ne dallojmë:
- ndryshim pozicioni horizontalë dhe
- zhvendosja ose ndryshimi i pozicionit vertikal
Matjet precize gjeodezike, përcaktojnë pozicionin e saktë të objekteve në hapësirë. Bazuar në këto matje, ne llogarisim ndryshimet në pozicion gjatë periudhave të caktuara kohore. Rezultati i matjeve tona është një raport që analizon me kujdes ndryshimet në pozitë dhe deformimet që rezultojnë.
